A FUNDACIÓN UNA GALICIA MODERNA PREMIA TRES INNOVADORAS EMPRESAS GALEGAS

Imásde, empresa do sector da biotecnoloxía dirixida á cirurxía estética e radicada en Santiago de Compostela recibiu o primeiro premio -dotado con 6.000 euros- correspondente á Terceira Edición do Premio Ideas María José Jove Santos, outorgado pola Fundación Unha Galicia Moderna, entidade vinculada ó Colexio de Economistas. O galardón concédese ás mellores iniciativas para a creación de empresas e a innovación no ámbito galego, e o xurado tivo en conta o alto contido tecnolóxico e innovador dos traballos.

O xurado, composto polos membros do Padroado da Fundación Unha Galicia Moderna, que preside Roberto Pereira Costa, á súa vez, Decano do Colexio de Economistas, e por destacados empresarios e representantes das máis prestixiosas institucións, decidiron así mesmo outorgar dous accésit dotados con 2.000 e 1.000 euros cada un ás iniciativas empresariais Xenotechs Laboratorios S.L. e Adestra Vida S.L. respectivamente.

O acto de entrega, que tivo lugar na sede do Colexio na Coruña estivo presidido por Roberto Pereira ao que acompañou Salustiano Mato, Director Xeral de Investigación, Desenvolvemento e Innovación. Ao mesmo asistiron tamén personaxes de renome no mundo da Economía como Antonio Grandío Dopico, Presidente de Honra da Fundación Una Galicia Moderna, José Mª Arias, Presidente del Banco Pastor, Pedro Veiga Fernández, Subdirector de Estudios de Caixa Galicia, José Mª Varela, en representación de la Fundación María José Jove, e Manuel Rodríguez Vázquez, de Rodman Polyships, entre outros.

A terceira edición do Premio Ideas, que contou nesta ocasión coa colaboración da Consellería de Innovación e Industria, obtivo unha magnífica acollida sendo numerosos e de gran calidade os proxectos presentados, resultándolle ó xurado moi complicada a tarefa de destacar soamente a tres deles.